Presidenti amerikan Donald Trump ka shprehur mbështetjen e tij për kryeministrin në largim të Italisë, Giuseppe Conte.
Në një postim në Twitter, Trump tha se Conte e përfaqësoi fuqishëm vendin e tij në G7.
Ndërsa shtoi se shpreson të mbetet kryeministër.
“Fillim i mirë për kryeministrin shumë të respektuar të Republikës Italiane, Giuseppe Conte. Përfaqësoi fuqishëm Italinë në G-7. Ai e do shumë vendin e tij dhe ka marrëdhënie të mira me ShBA. Një njeri shumë i talentuar që me shpresë do të mbetet Kryeministër,”-shkroi presidenti amerikan.
Conte dha dorëheqjen më 20 gusht dhe pritet mbajtja e zgjedhjeve të parakohshme për krijimin e qeverisë së re.
