Hetuesit kanë mbërritur në vendin ku u rrëzua avioni në Dakotën e Jugut dhe mbetën të vdekur 9 anëtarë të një familje biznesmene. Katër breza të familjes Hansen po ktheheshin në shtëpi në Idaho Falls pasi një udhëtimi vjetor gjuetie kur u aksidentuan.
Avioni i tyre u rrëzua menjëherë pas ngritjes, rreth orës lokale 12:30 të shtunën në Chamberlain. Vetëm tre anëtarë të familjes i mbijetuan aksidentit ajror.
Mes të vdekurve ishin Jim Hansen Sr si edhe dy djemtë e tij Kirk dhe Jim Jr, që themeluan dhe drejtuan kompaninë e naftës Conrad & Bischoff si edhe kompaninë Kyani, me produkte për lëkurën.
Dy djemtë e Kirk Hansen gjithashtu vdiqën në aksident, së bashku me dy dhëndrat e tij. Viktimat e tjera ishin djali i Jim Jr dhe një prej nipërve të tij.
Të gjithë ata po udhëtonin me një avion Pilatus PC-12 me një motor të vetëm, i cili nuk ka regjistrues të të dhënave me zë. Nuk dihet ende shkaku i aksidentit, por moti i keq mendohet se është një nga faktorët e mundshëm.
