“Ndalimi i shtetasve të huaj që udhëtojnë nga territori i Kinës për në Australi do të vazhdojë edhe një javë tjetër”, - tha Kryeministri Scott Morrison në një konferencë shtypi të enjten.

 Ndalimi fillestar 14-ditor, i paraqitur në 1 shkurt, qe vendosur të përfundonte të shtunën.

Morrison tha që ndalimi do të rishikohet "çdo javë".

Sipas një deklarate në faqen e internetit të Forcës Kufitare Australiane, "të gjithë shtetasit e huaj që kanë qënë në territorin e Kinës nga data 1 shkurt e më mbrapa,  nuk do të lejohen të hyjnë në Australi."

Të përjashtuar nga kjo ndalesë mund të jenë qytetarët australianë, banorët e përhershëm  në Australi apo të afërt të familjeve australiane.