Koronavirusi po përhapet gjithmonë e më shumë. Në mbarë botën po shtohet numri i inteksioneve.

Ndërkohë nuk mungojnë zërat e ekspertëve që thonë se koronavirusi i ri mund të bëhet një ‘normalitet’ i ri në botë.

Virologu gjerman, Christian Drosten tha për gazetën BILD se shumë gjermanë do preken nga sëmundja.

“Do të infektohen me shumë gjasë 60 deri në 70 përqind e popullsisë, por ne nuk e dimë në cilën kohë”. “Mund të zgjasë dy vite, mund të zgjasë edhe më shumë,” tha ai.

Megjithatë ai nuk beson se do jetë një pandemi si ajo e gripit spanjoll në vitin 1918. Edhe Drosten thekson se shumë prej njerëzve të prekur do kenë simptoma të buta, madje disa nuk do e ndjejnë fare se kanë koronavirus.