Presidenti Trump nënshkruan urdhër ekzekutiv për ndëshkimin e atyre që dëmtojnë monumentet

Saturday, 27 June 2020 10:00

Presidenti Donald Trump nënshkroi një urdhër ekzekutiv për mbrojtjen e monumenteve, përkujtimoreve dhe statujave.

“Pata privilegjin të nënshkruaja një Urdhër Ekzekutiv shumë të fortë për mbrojtjen e Monumenteve Amerikane, Përkujtimoreve dhe Statujave dhe për të luftuar Dhunën Kriminale të kohëve të fundit. Dënime të gjata me burg për këto veprime të paligjshme kundër Vendit tonë Madhështor!”, shkruante ai në Twitter.

Zoti Trump kishte premtuar në fillim të javës se do të merrte masa pasi policia frenoi një përpjekje të protestuesve për të rrëzuar një statujë të ish-presidentit Andrew Jackson në një park pranë Shtëpisë së Bardhë.

Sipas urdhrit, Prokurori i Përgjithshëm duhet të ndjekë penalisht në maksimum çdo person apo grup që shkatërron ose vandalizon një monument, memorial ose statujë. Ligji federal autorizon një denim deri në 10 vjet burg për “dëmtimin e qëllimshëm” të pasurive federale.

 

Në urdhër bëhet thirrje për ndjekjen maksimale penale për këdo që nxit dhunë dhe aktivitete të paligjshme dhe paralajmërohen agjencitë lokale të rendit që nuk mbrojnë monumentet me humbje të fondeve federale.

Në javët pas vdekjes së George Floyd-it ndërsa ishte në duart e policisë në shtetin e Minesotës që nxitën protestat për trajtimin e afrikano-amerikanëve, disa monumente të Konfederatës në Shtetet e Bashkuara janë dëmtuar ose rrëzuar nga demonstruesit.

Policia në Uashington shtyu me forcë një grup protestuesish të hënën vonë, të cilët po përpiqeshin të rrëzonin një statujë të Presidentit Andrew Jackson në një park pranë Shtëpisë së Bardhë.

Është e njëjta zonë ku në fillim të këtij muaji policia shpërndau me forcë protestuesit në një kohë të shkurtër para se Presidenti Trump të shëtiste nëpër zonë për një mundësi fotografie pranë një kishe përtej rrugës nga Sheshi Lafayette.

Përpjekja për të rrëzuar statujën e Jacksonit është pjesë e protestave të vazhdueshme kundër racizmit të shkaktuar nga vdekja e George Floyd, një afrikano-amerikan që vdiq ndërsa ishte në paraburgim policor në qytetin e Mineapolis muajin e kaluar. Protestat janë pjesë e një reagimi të ri kundër simboleve të perceptuara të supremacisë së bardhë, duke përfshirë statuja, monumente dhe flamurin e Konfederatës, që përfaqësonte shtetet jugore që u ndanë nga Veriu gjatë Luftës Civile 1861-65.

Shumë statuja dhe monumente janë dëmtuar ose shkatërruar nga protestuesit, ose janë hequr nga zyrtarët lokalë në përgjigje të protestave./VOA

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...