Mike Pence sulmon Joe Biden nga Shqipëria: Bashkëpunon me Rusinë dhe Iranin!

Premte, 24 June 2022 08:16

 

Ish-zv/presidenti amerikan Mike Pence deklaroi se administrata e sotme e Joe Biden po cenon progresin e asaj që ata kanë bërë për lirinë e Iranit. Nga kampi i muxhahedinëve në Manzë, Pence deklaroi se Biden ka bashkëpunuar ngushtësisht me Rusinë për programin nuklear të Iranit, ndërsa shtoi se marrëveshja e re do të pasurojë regjimin e korruptuar dhe do të torturojë popullin e Iranit.

Ish-zv/presidenti amerikan Mike Pence nga kampi ASHRAF-3 në Manzë ka shigjetuar presidentin Joe Biden.

Në fjalën e mbajtur para opozitës iraniane ish-numri dy i SHBA deklaroi se administrata e sotme e Joe Biden po cenon progresin e asaj që ata kanë bërë për lirinë e Iranit.

Ai deklaroi se Biden ka bashkëpunuar ngushtësisht me Rusinë për programin nuklear të Iranit, ndërsa shtoi se marrëveshja e re do të pasurojë regjimin e korruptuar dhe do të torturojë popullin e Iranit.

"Administrata Biden janë duke e cenuar progresin që ne kemi bërë. Administrata amerikane po punon kundër programit që ne kemi bërë për të sjellë Iranin në rrugën e programit bërthamor. Administrata Biden pranoi se brenda një viti më shumë se ishte lejuar, ata kanë hequr sanksionet që kishim vendosur ne si administratë. Administrata Biden ka bashkëpunuar ngushtësisht me Rusinë në këtë këndvështrim për programin nuklear të Iranit. Kjo është e pajustifikuar. Kjo luftë në Ukrainë dhe administrata amerikane po punon me shkaktarët e kësaj lufte. Unë si amerikan mund të them që këto masa janë të rrezikshme. Kjo mënyra nuk ka funksionuar kurrë. Programi nuklear do të shkaktojë shkatërrim. Marrëveshja e re do ta hapë rrugën e bombave nukleare".

 

Ish-zëvendëspresidenti i SHBA-së, para afro 3000 anëtarëve dhe aktivistëve të rezistencës iraniane e përshkroi Ebrahim Raisin "një vrasës brutal masiv përgjegjës për masakrën e 1988 të 30,000 të burgosurve politikë".

Ai tha se Raisi "duhet të shkarkohet nga detyra nga populli i Iranit".

Pence u ndal në çështjen e alternativës ndaj regjimit iranian.

“Një nga gënjeshtrat më të mëdha që regjimi në pushtet i ka shitur botës është se nuk ka alternativë ndaj status quo-së. Por ekziston një alternativë – një alternativë e mirëorganizuar, plotësisht e përgatitur, e kualifikuar në mënyrë perfekte dhe e mbështetur gjerësisht e quajtur M.E.K. Faleminderit, Maryam Rajavi, për udhëheqjen dhe vizionin tuaj të jashtëzakonshëm.Regjimi në Teheran dëshiron të mashtrojë botën që të besojë se protestuesit iranianë duan të kthehen në diktaturën e Shahut. Por ne nuk jemi të mashtruar nga gënjeshtrat e tyre.”

Maryam Rajavi, presidentja e zgjedhur e Këshillit Kombëtar të Rezistencës së Iranit, gjatë fjalimit të saj bëri thirrje për kthimin e të gjithë rezolutës së Këshillit të Sigurimit të OKB-së dhe kërkoi që dosja e shkeljeve të të drejtave të njeriut dhe terrorizmit të regjimit t'i referohet Këshillit të Sigurimit të OKB-së.

Ajo gjithashtu bëri thirrje që IRGC të shpërbëhej

Login to post comments

Lajmet e fundit

Britania në alarm për shqiptarë, deputetët: Të dërgohen në Ruandë, janë vend në paqe

Politikë

Britania në alarm për shqiptarë, deputetët: Të dërgohen në Ruandë, janë vend në paqe

  Fluksi i madh i emigrantëve shqiptarë që po përpiqen të hyjnë ilegalisht në Britaninë e Madhe, ka detyruar ligjvënësit atje të kërkojnë rikthim të skemës së Ruandës. Plani parashikon që individët...

Qytetarët revoltohen para zyrës së tij, Çuçi largohet nga godina e Ministrisë së Brendshme

Politikë

Qytetarët revoltohen para zyrës së tij, Çuçi largohet nga godina e Ministrisë së Brendshme

  Ministri i Brendshëm, Bledi Çuçi është larguar nga zyra e tij para fillimit të protestës për vdekjen e 7-vjeçares në Himarë, e cila u përplas nga skafi i drejtuar nga...

3 arsyet pse siguracionin “Karton Jeshil” duhet ta merrni nga SIGAL UNIQA

Aktualitet

3 arsyet pse siguracionin “Karton Jeshil” duhet ta merrni nga SIGAL UNIQA

  Gushti parashikohet të jetë muaji më i nxehtë i vitit dhe shumë prej nesh kanë nisur tashmë pushimet verore me zonat bregdetare janë destinacionet e preferuara.Disa zgjedhin Shqipërisë, ndërsa disa...