“Bota po ju pret Ju”, mesazhi i Orban drejtuar Trump në konferencën e konservatorëve

Hënë, 08 August 2022 18:27

 

Ish-presidenti amerikan, Donald Trump, rikthehet fuqishëm. Krahu ultrakonservator i republikanëve në SHBA demonstroi vullnet për fitore në Konferencën Konservatore të Veprimit Politik, CPAC në Teksas.

Fjalimet nga bota konservatore e djathtë përmbanin tone luftarake, ndërsa kryeministri hungarez Viktor Orban ishte krah Trump.

Nuk ka çudi që në fillim të konferencës mbajti një fjalim kryeministri hungarez, Victor Orban. Vetëm para pak ditësh ai u takua me Donald Trump, që e përcaktoi atë si një mik, që si pakkush tjetër e di se ç’ndodh në botë.

Fjalimi i tij u shoqërua me duartrokitje, kur ai përmendi refugjatët ilegalë. Edhe për angazhimin e tij që një familje të mbetet si bashkim i një burri me gruan, Orban mori ovacione të gjata. Konservatorët në SHBA dhe në Hungari duhet të bashkohen, se shohin kulturën e krishterë dhe hebreje në rrezik, në luftë kundër së majtës radikale, tha Orban.

Ai iu drejtua Trump me mesazhin se Bota po të pret ty!

Lexo edhe:
E zgjedhura e Trump fiton garën brenda Republikanëve për Guvernatore të Arizonës
Orban i prerë: BE nuk është në Bruksel, ne jemi një komb i pavarur
Bashkimi i ultra të djathtëve ka qenë një ide që e shoqëron prej kohësh kreun organizator të konferencës, Matt Schlapp. CPAC-në ai e ka organizuar edhe në Hungari e Brazil. Vitin e ardhshëm ai ka planifikuar një konferencë të tillë në Izrael.

Schlapp është gati të shkojë në të gjitha vendet që e ftojnë. Dhe po, natyrisht edhe në Gjermani.

Kurse Orban thotë, se perëndimi është në luftë me veten, të gjithë përkrahësit e globalizimit të shkojnë në djall dhe duhet të fillojë lufta për të rimarrë institucionet në Bruksel e Uashington. Me tone të tilla luftarake shprehen edhe republikanë konservatorë të njohur si Ted Cruz apo Marjorie Taylor Green. Nuk bëhet më fjalë për argumentin më të mirë, por për luftë. Luftë dhe fitore.

Në fund u shfaq edhe Donald Trump. Ata që prisnin që Trump të bëjë të ditur në Teksas kandidaturën për President, morën mesazhin se “ndoshta duhet ta bëjë edhe njëherë”.

“Ju nuk do të ndalni asnjëherë të luftoni. As unë nuk do të ndalem”- përfundoi Trump

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...