Trump zotohet: Më shumë tarifa ndaj Kinës nëse do rizgjidhem president

Hënë, 05 February 2024 12:48

Donald Trump ka deklaruar se do të vendosë tarifa të tjera mbi mallrat kineze nëse zgjidhet sërish President i SHBA-së. Në një intervistë për Fox News, ai tha se këto tarifa duhet të jenë mbi 60%.

“Duhet ta bëjmë këtë”, tha ai gjatë një interviste për Fox News të dielën.

 

Trump është kandidati kryesor për Partinë Republikane, megjithatë po haset me disa akuza penale, ndër to edhe përpjekje për të përmbysur rezultatin e zgjedhjeve të vitit 2020. Por ai i ka mohuar të gjitha akuzat.

Trump njihet për akuzat ndaj Kinës për praktika të padrejta tregtie dhe vjedhje të pronës intelektuale.

“Kuptoni, dukshëm nuk po kërkoj të lëndoj Kinën. Unë dua të shkojmë mirë me të. Por ata me të vërtetë kanë përfituar nga vendi ynë”, tha Trump.

Gjatë presidencës së tij, Trump nxiti një luftë tregtie mes dy ekonomive më të mëdha pasi vendosi tarifa me vlerë miliarda dollarë mbi mallrat kineze. Administrata e tij i vendosi tarifat në 2018 me qëllim që të frenonin importet kineze. Kjo politikë u zgjerua edhe për mallrat që varionin nga ushqimet e detit e deri tek kimikatet.

Edhe Pekini zyrtar u përgjigj me taksa për importet amerikane duke përfshirë sojën, grurin dhe shpendët.

Sa i përket administratës aktuale të presidentit Joe Biden,ai  i ka mbajtur tarifat pa ndryshuar pavarësisht kritikave se kjo ka ndihmuar në rritjen e çmimeve dhe e ka bërë ekonominë e SHBA-së më pak konkurruese. SHBA-ja ka qenë tregu më i madh i eksportit të Kinës për më shumë se dy dekada.

Megjithatë frenimi i lidhjeve ekonomike SHBA-Kinë po fiton mbështetje mes ligjvënësve republikanë dhe demokratë. Një raport i fundit i Komitetit të Dhomës së Përfaqësuesve rekomandoi tarifa më të larta për importet nga Kina dhe kufizime për investimet kineze në SHBA.

Login to post comments

Lajmet e fundit

Vdes Andreas Brehme, futbollisti që shënoi golin e fitores së Gjermanisë në finalen e Botërorit 1990

Kronikë

Vdes Andreas Brehme, futbollisti që shënoi golin e fitores së Gjermanisë në finalen e Botërorit 1990

Gjermania e futbollit ka humbur një kampion bote.   Ka vdekur njeriu që ndihmoi të fitojë Kupën e Botës në finalen e vitit 1990 kundër Argjentinës në Romë, Andreas Brehme.  Kampioni i botës...

Eda Grimci: Bashkë jemi të pandalshëm…

Politikë

Eda Grimci: Bashkë jemi të pandalshëm…

Mbledhje kryesie Dega, 9, Tiranë Bashke jemi te pandalshem…Edvin dil na prit para Kryeministrise se kryehajduterise , se po vijme…

Partia Demokratike Dega 16:  Bashkë kundër keqqeverisjes së Edi Ramës!

Politikë

Partia Demokratike Dega 16: Bashkë kundër keqqeverisjes së Edi Ramës!

Partia Demokratike Dega 16: Bashkë kundër keqqeverisjes së Edi Ramës! Dega 16 fton qytetarët të reagojnë dhe të na bashkohen në protestën e 20 Shkurtit. Në takimet me qytetarë dhe bizneset e...