Shtetet e Bashkuara të Amerikës do të vendosin sot se kush do të jetë presidenti për katër vitet e ardhshme, në një garë të ngushtë presidenciale mes Kamala Harris dhe Donald Trump.

Teksa votimet kanë filluar, kandidati republikan Donald Trump ka reaguar përmes një postimi në platformën X. 

Trump thekson se kjo është dita më e rëndësishme në historinë amerikane. Ai u bën thirrje qytetarëve që të dalin dhe të votojnë.

“Tashmë është zyrtarisht DITA E ZGJEDHJEVE! Kjo do të jetë dita më e rëndësishme në historinë amerikane.

Entuziazmi i votuesve është për tejet i lartë, sepse njerëzit duan të ‘Bëjnë Amerikën Madhështore Përsëri’. Kjo do të thotë se radhët do të jenë të gjata!

Unë kam nevojë që ju të votoni pa marrë parasysh sa kohë do të marrë. QËNDRONI NË RADHË!

Demokratët radikalë komunistë duan që ju të mblidhni gjërat dhe të shkoni në shtëpi.

Së bashku, ne do të kemi një fitore të jashtëzakonshme dhe do ta ‘BËJMË AMERIKËN MADHËSHTORE PËRSËRI’!”, shkruan Trump në postimin e tij në “X”.