Të paktën 18 minatorë kanë humbur jetën dhe disa të tjerë kanë mbetur të plagosur e të bllokuar në provincën pakistaneze të Belucistan, pas një shpërthimi që ka shkaktuar shembje të galerisë në të cilën minatorët po punonin.

Shpërthimi i parë, ku humbën jetën 16 persona, ka ndodhur në Pir Ismail, një lokalitet rreth 45 kilometra nga Quetta.

Në të njëjtën kohë një tjetër shpërthim, në një impiant të “Pakistan Mineral Development Corporation”, ka shkaktuar shembjen e një tjetër galerie dhe nëntë minatorë kanë mbetur të bllokuar, dy prej të cilëve kanë humbur jetën ndërsa të bllokuarit vështirë se mund të shpëtohen.

Viktimat janë nxjerrë nga miniera nëpërmjet forcave të ndihmës së shpejtë.