120 sirianë, në mesin e të cilëve ka edhe gra dhe fëmijë dhe që deri tani kanë jetuar në provinca të ndryshme të Turqisë, pas përfundimit të procedurave në zyrën e Drejtorisë së Emigracionit në Kompleksin e Strehimit “Öncüp?nar” në Kilis janë dërguar me minibusë për në vendin e tyre në kuadër të programit të “Rikthimit Vullnetar”.

Nura Muhammed, me shtetësi siriane dhe që bashkë me familjen e saj ka ardhur 3 vite më parë në Turqi, thotë se ajo ka kaluar ditë të bukura me fqinjët dhe shoqet gjatë kohës që ka qëndruar këtu.

Zonat ku kemi jetuar më parë në Siri janë pastruar nga terrori pas operacioneve “Mburoja e Eufratit” dhe “Dega e Ullirit”, si rrjedhim edhe ne kemi vendosur për t’u rikthyer në vendin tonë.

“Bashkëshorti ka shkuar më parë. Ai ka hapur një biznes në Azez dhe na thirri që të shkojmë edhe ne. Jam e lumtur që më në fund do të takohem me familjen, do të shikoj atdheun tim, por do të më marrë malli edhe për fqinjët në Turqi”,- shprehet refugjatja siriane.

Që nga 1 janari 2015 e deri më tani nga Pika e Kalimit Kufitar në “Öncüp?nar” janë kthyer në vendin e tyre rreth 60 mijë sirianë që kanë përfituar nga programi i rikthimit vullnetar. /TRT