Një sulm me bombë ka ndodhur mbrëmjen e djeshme në shtëpinë e një hetuesi policor serb, në Zherovnicë të Zveqanit.

Sipas mediave vendase,  bomba molotov  është hedhur në katin e parë të banesës së Millan Ristoviq, ndërsa mësohet se zjarri nuk ka arritur të përhapet nëpër shtëpi.

Ristoviq  para disa kohësh ka ushtruar profesionin e Shefit të Operativës në Stacionin Policor të Mitrovicës, ku ka rënë pre e skandaleve në lidhje me korrupsionin e tregtarëve të mallrave nga Serbia në Kosovë, si dhe njihet për lidhjet e tij të veçanta me kontrabandistët.

Nuk janë identifikuar ende arsyet apo autorët e ngjarjes, ndërsa është bërë e ditur që ky nuk është sulmi i parë ndaj Ristoviq, pasi pak kohë më parë makina u dogj nga persona të paidentifikuar.