Çizmet deri tek kyçi nuk janë një tendencë, por një model që rikthehet çdo vjeshtë ! Çdo vit duket se ndryshon vetëm dizajni i këpucëve, pasi në thelb mbetet i njëjti model ! Qofshin me taka apo jo, me majë rrumbullake apo katrore, këto të fundit janë një MUST në garderobën tuaj! Living do të përmbledhë më poshtë disa outfite dhe disa këshilla mode që do u vijnë në ndihmë të gjitha femrave shtatshkurtër kur veshin këtë lloj këpuce
MOS zgjidhni çorape të gjata kur vishni çizme deri tek kyçi, veçanërisht kur janë të bardha ose me ngjyra të ndezura. 
Nëse sandalet e veshura me çorape kanë qenë një ndër tendencat më interesante të sezoneve të shkuara, kjo nuk do të thotë që çorapet nuk do të bien nga froni ! Me çizmet deri tek kyçi bëni mirë mos të eksperimentoni.

Përthyeni xhinset
Nëse do të vishni xhinse të gjëra me një palë atlete, do t’ju dukej vetja e zhytur si në thes, por nëse do i kombinonit me një palë çizme deri tek kyçi, atëherë do të kishit të bënit me një outfit krejt tjetër! Përthyeni xhinset rreth 2 cm mbi çizme dhe do të krijoni iluzionin e këmbëve më të gjata. 
JO vetëm xhinset, por edhe pantallonat deri tek kyçi, qofshin të gjera apo të ngushta, do të rrinë mjaft mirë me një palë çizme të shkurtra. Mjafton të gjeni modelin përshtat formës së trupit. Ky link do t’ju ndihmojë.

MOS vishni geta me ngjyra dhe çizme deri tek kyçi pasi rrezikoni të “shkurtoni” këmbët tuaja edhe më. Qendroni brenda një ngjyre për mos të krijuar ndrërprerje për syrin.