Dosjet e skandaleve të qeverisë po flenë në Prokurorinë e Përgjithshme. Ninullat ua këndon Arta Marku, zonja pa vetting që u betua në mes të flakadanëve dhe tymit në parlamentin shqiptar. Opozita e paralajmëroi kur Rama këmbëngultë për ta bërë me çdo kusht Kryeprokurore dhe koha po e tregon se ajo është vënë totalisht në shërbim të qeverisë.
Droga, trafiku, zhvendosja e prokurorëve të dosjeve të rëndësishme, mos nisja e hetimeve për tenderët korruptivë, mbyllja e syve në rastin e Taulant Ballës brenda komisariatit të Fushë-Krujës, etj, janë disa nga faktet e deritanishme.
Rama bërtiste se do të ishte vetëm një prokurore e përkohshme, një muaj, dy muaj, tre muaj. Opozita mundohej tu hapte sytë ndërkombëtarëve, se Arta Marku do të vendoset në krye të organit të akuzës vetëm për të mbyllur dosjet e skandaleve.
Dhjetori shënon edhe mbylljen e vitit të parë të Arta Markut në krye të prokurorisë. Ajo nuk mund të quhet më e përkohshme.
Pra, mbrojtja e shpatullave të Ramës nuk është më e përkohshme.
Zgjatet mandati jo vetëm për tu kujdesur për zyrtarët të përfshirë në trafik, por tani do të jetë garante e tenderëve, si mega skandali më i fundit i 42 milionë eurove për 2 km rrugë.
Mesa duket Arta Marku mund të bëjë “nina nana” mbi dosjet, por duhet ti kujtojmë se mandate të përjetshme nuk ka.