Një lajm i papritur sot është dhënë në media. Kryeministri i Rusisë Dimitri Medvedev paska vendosur që të vizitojë më 20 tetor Serbinë me rastin e 75-vjetorit të çlirimit të Beogradit nga trupat naziste.

Numri 2 i shtetit rus do të pritet në një ceremoni të veçantë nga presidenca, qeveria dhe parlamenti serb. Ai do të mbajë një fjalim në kuvendin serb. Sipas mediave kombëtare, Medvedev do të diskutojë për çështje të veçanta presidentin serb Aleksandër Vuçiç, ku në fokus do të jetë dhe negociatat midis Serbisë dhe Kosovës.

Por si ka mundësi kjo vizitë kaq e papritur dhe e paplanifikuar e Kryeministrit rus në Beograd?! Çfarë informacionesh të rëndësishme u dashka me marr në mënyrë kaq urgjente?

Po lidhja e kësaj vizite me të ashtuquajturin samit në Novi Sad dhe kurorëzimit të ‘dashurisë’ mes Ramës dhe Vuçicit atje?

Siç duket Rama dhe Vuçiç e paskan bërë mirë punën e tyre në Novi Sad dhe rusët tashmë vijnë të marrin frytet.

“Jugosllavia e re” është një projekt që rusët i kënaq dhe i bën që të festojnë.