Ish ministrja e Mbrojtjes, Mimi Kodheli, në deklarimin e saj për çështjen e negociatave dhe vështirësinë e madhe të hapjes së tyre nga Holanda dhe sidomos, së fundmi edhe nga Franca, e konsideroi refuzimin e Francës, si një humbje të madhe të këtij shteti dhe njëkohësisht si fitore të Shqipërisë.
Këta të rilindjes mbasi kanë kryer çdo lloj krimi dhe marrëzie të mundshme dhe kur gjithë bota e qytetëruar e ka mësuar tashme se cilët janë këta dhe me kë ka të bëjë, i janë sulur Evropës. Deklarata e Mrika Kodhelit është merane deri në dhimbje, qesharake deri në marrëzi dhe kjo rilindja paska pasur në të njëjtën masë kontingjentin kriminelëve dhe banditëve me ata të idiotëve qofshin këta të dobishëm apo jo.
Fikja dhe ndezja e radarëve për tu bërë nder Habilajve të drogës dhe bashkëpunimi i shtetit me struktura kriminale është e regjistruar në të gjitha shërbimet sekrete serioze. Por cubat e rilindjes nuk pyesin, se janë një kontingjent i tërë i mbledhur rreth një Haxhi Qamili që nuk do t’ia dijë më për Perëndimin, se ka Ankaranë, babë Erdoganin dhe Beogradin.
Nuk e di se cili tru mund ta artikulojë fjalinë që humbja është e Francës nëse nuk hapen negociatat. Me siguri nga e njëjta skutë e trurit me të cilët u fikën radarët, ka dalë edhe kjo fjali që është zgjatim i mendimit dhe opinionit që ka dhënë Haxhi Qamili i tyre, gruaja e Bilialit. Dhe atë që Mrika e tha sot, në fakt Haxhi Qamili i Rilindjes e ka bërë realitet, po shkëput Shqipërinë nga euro-atlantizmi dhe po e nis drejt shkretëtirave të Anadollit në bashkëpunim me Vuçiç sipas teorisë së Vasa Çubrilloviç./ REDAKSIONALE