Tragjedia që i ndodhi Shqipërisë është e rëndë. I dha një goditje të pafajshmëve, por nxori në pah dhe shtetin prej kartoni që na propogandon çdo ditë në televizione dhe rrjete sociale “Skëndërbeu” i Spiropalit, Edi Rama.

“Ra ky mortë dhe u pamë”, ose “Ra ky termet” dhe na nxori Shqipërinë e vërtet, shtetin që nuk mundet, jo atë që shohim çdo ditë në ERTV e Edi Ramës.

U desh kjo goditje e rëndë nga tërmeti të dilnin në pah ndërtimet skandaloze të dhëna nga Bashkia Tiranë, dhe ajo Durrës, apo mosmarrja e masave nga bashkitë respektive për verifikimin e gjendjes së ndërtesave. Termeti na nxori në pah faktin se ndërtues të Ramës dhe Gjushit në kurriz të shqiptarëve për tu majmur ngrenë sa më shumë ndërtime, jo cilësore duke shkelur madje haptazi dhe lejen e dhënë.  Fakti është se termeti na nxori në pah dhe faktin se institucionet nuk janë në gjendje të regojnë pas termetit për të shpëtuar sa më shumë jetë, por na u desh me ardh fqinjtë dhe vendet mike për të na ndihmuar. Termeti na tregoi se kemi një shtet kartoni që nuk di as nga të ia nis dhe jo bitisë për menaxhimin e situatës post-tërmet ku njerëzit gjenden të uritur dhe në rrugë. Rilindja dhe e majta është mësuar vetem me fasada dhe në kete moment vetëm ka marrë që qafë jetë njerëzish.