Kushtet e BE-së,Rama si kuzhinier për budallenj

E Enjte, 25 June 2020 16:37

ANDI BUSHATI

Edi Rama ka tentuar ta banalizojë sërish deri në vulgaritet dështimin e Shqipërisë në rrugën e integrimit. Duke komentuar edhe një herë shuplakën që iu dha nga Parlamenti Europian, i cili miratoi me një shumicë dërrmuese votash rezolutën me 15 kushtet që u vunë për hapjen e negociatave, ai ka vazhduar me lojën e cicmiceve.

Si një kuzhinier që servir ushqim për idiotë, ai është përpjekur ta reduktojë debatin nëse të gjitha kushtet duhen plotësuar përpara takimit të parë ndërqeveritar, apo nëse kjo është e vlefshme vetëm për disa prej tyre.

Deri këtu, askush nuk surprizohet, sepse ky është vetëm një nga vargani i manipulimeve që Kryeministri ka bërë për këtë temë.

Ai, fillimisht, fitoi zgjedhjet me premtimin se do t’i hapë negociatat brenda mandatit të parë qeverisës. Por, në vend që të bënte këtë, e mbyti vendin në drogë dhe korrupsion. Kur këto filluan të kundërmonin aq shumë, sa për herë të parë Bundestagu solli që në nëntor 2016, një paketë kushtesh me deputetin Krichbaun, Kryeministri e zhvlerësoi këtë si një përkthyes që kumtonte në gjermanisht ato që PD recitonte në shqip.

Për pasojë, negociatat e Shqipërisë nuk u hapën në qershor 2018, ashtu siç na ishte premtuar. Por edhe këtu Rama gënjeu prapë, hapi shampanjën dhe shpalli se ne kemi marrë një datë për fillimin e bisedimeve.

Natyrisht, është e kotë të kujtosh se, sot e kësaj dite, ne ende nuk e kemi një datë se kur do të ulemi në tryezë.

Por, fatkeqësisht thesi i rrenave nuk zbrazet me kaq.

Përgjatë këtij kalvari, kur Holanda vinte veton dhe kërkonte pezullimin e liberalizimit të vizave, ne e kemi dëgjuar Kryeministrin të thotë se vendi i tulipanëve e bën këtë për arsyet e tij të brendshme; kur Presidenti Macron na shpëtonte nga një ndarje e turpshme nga Maqedonia, ne u bombarduam me fabulën se Macron s’e ka me ne, por ka inatin me Gjermaninë dhe problemin e Europës.

Pra, thjesht, sa herë kemi dështuar këto shtatë vjet, Kryeministri ka përdorur një shosh për të zënë diellin përvëlues të shuplakave që i janë dhënë qeverisjes së tij të keqe. Kjo po ndodh edhe tani kur ai do ta fokusojë debatin rreth çështjes më të pavlerë: a janë kushtet të gjitha me një dorë apo jo?

Ai theksonte se nuk kishte kushte fare, tani pranon vetëm një pjesë të tyre. Në fakt, problemi nuk është fare ky.

Thelbi i tij qëndron në bilancin e përgjithshëm që Rama do ta fshehë me çdo çmim: se në vitet e qeverisjes së tij, në vend që të bënim përpara, ne kemi bërë pas.

Me vendimin e marsit të Këshillit të Ministrave të vendeve të BE, ne praktikisht u ndamë me Maqedoninë, e cila e mori miratimin pa asnjë kusht.

Në këtë vendim ne nuk na është caktuar asnjë datë për mbajtjen e konferencës së parë ndërqeveritare, ndonëse që në 2018 Kryeministri bërtiste “e kemi marrë datën”. Se sa e rëndë është kjo për Shqipërinë, mjafton të përmendet vetëm një fakt: Malit të Zi, data e konferencës së parë ndërqeveritare me Brukselin iu caktua brenda një jave nga thënia e PO-së.

Gjendja nuk është vetëm më keq se 2018- a, kur bërtitëm fitore, por akoma më e rëndë edhe se shtatori i vitit të kaluar, kur Bundestagu gjerman na bombardoi me kushte.

Që nga ajo kohë, atyre 9 kushteve iu janë shtuar edhe plot 6 të tjerë, që nisen që nga kërkesat për burgosje të politikanëve të lartë, që nga tërheqja e ligjit fashistoid për mediat online, që nga pakësimi pothuajse i pamundur i azilkërkuesve e deri te plotësimi i të drejtave të qytetarëve minoritarë.

Kjo, pra, është pasqyra reale se si e shohin regjimin e Ramës qeveritë kryesore të shteteve të BE-së. Dhe pikërisht për të shmangur këtë bilanc të tmerrshëm, Kryeministri e vulgarizon debatin në një problem numerik. Ai nuk ka zgjidhje tjetër për t’iu shmangur thelbit, veçse banalizimit për numrin e kushteve. Prandaj, kacavirret pas atyre, për të cilat dikur nuk pranonte që ekzistonin fare. Lapsi.al

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Denoncimi i PD: Skandal tek kopshti ‘4 Stinët’ në Tiranë, bashkia fshehu rastin me COVID-19, prokuroria të hetojë

Politikë

Denoncimi i PD: Skandal tek kopshti ‘4 Stinët’ në Tiranë, bashkia fshehu rastin me COVID-19, prokuroria të hetojë

  Partia Demokratike i bëri thirrje prokurorisë që të hetojë në lidhje me rastin e mbylljes së kopshtit ‘4 Stinët’ në Tiranë, pas rasteve që u shfaqën me koronavirus. Në një dalje...

Nard Ndoka ironizon Ramën:Pse nuk bëhesh president i Flamurtarit

Politikë

Nard Ndoka ironizon Ramën:Pse nuk bëhesh president i Flamurtarit

Ish-deputeti i Partisë Demokratike, Nard Ndoka ka ironizuar me kryeministrin e Shqipërisë, Edi Rama, duke i thënë të bëhet president i Flamurtarit. Duke iu referuar deklaratës së kryetarit të PD, Lulzim...

Rakipi:Deklarata e Bashës, mjaft serioze! Rama kërkon garanci të mos marrë haraçin për gjithçka ka bërë!

Politikë

Rakipi:Deklarata e Bashës, mjaft serioze! Rama kërkon garanci të mos marrë haraçin për gjithçka ka bërë!

Gazetari Ylli Rakipi, ka qenë i ftuar në emisionin “Në fokus” në TV T, ku ka komentuar deklaratat e Lulzim Bashës, lidhur me një ofertë për pazar, që i ka...

Sondazh

Nothing found!

Sondazh

Nothing found!