Grupi sekret i Soros qe kontrollon administraten e Biden

E mërkurë, 27 Prill 2022 16:13

 

Një grup sekret, i mbështetur me miliona dollarë nga miliarderi liberal kontrovers, George Soros, po punon në prapaskenë me administratën e presidentit amerikan Joe Biden për të hartuar politikat e tij.

Kështu raporton rrjeti amerikan, Fox News.

 

Grupi i mbuluar, i quajtur “Qeverisja për Ndikim” (GFI), krenohet në memot e tyre të brendshme se kanë implementuar më shumë 20 pika të axhendës së tyre, e cila ka për qëllim që të zhbëjë derregullimet e epokës së Trump, kryesisht në çështjet e arsimit, mjedisit, shëndetësisë, strehimit dhe punës.

 

 

“’Shoqëria e Hapur’ është krenare që mbështet përpjekjet e ‘Qeverisjes për Ndikim’ për të mbrojtur punëtorët, konsumatorët, pacientët, studentët dhe mjedisin amerikan përmes reformimit të politikave,” tha për Fox News, Tom Perriello, drejtor ekzekutiv i fondacionit “Shoqëria e hapur”.

 

Fox News thekson se GFI është një rrjet shumë sekret. Aq i padukshëm është, sa edhe në motorët e kërkimit si Google nuk shfaqet. Asnjë raportim lajmesh apo asnjë njoftim për shtyp nuk ka për ekzistencën e tij. Ai përmendet vetëm në një rast dhe sërish bëhet fjalë për një artikull të Fox News mbi rrjetin e parave të errëta të menaxhuara nga ‘Arabella Advisors'. Bëhet fjalë për një fond prej 1.6 miliard dollarësh.

Por teksa grupi e mban të fshehur identitetin, ai kërkon talente në faqen e internetit të Shkollës Juridike të Harvardit. Në një postim, që nuk shfaqet më, thuhet se grupi është krijuar për të përgatitur administratën e Biden për një qeverisje transformuese. Më tej theksohet se grupi ka prodhuar më shumë se 60 rekomandime rregullatore të thelluara për dhjetëra agjenci federale.

Në reklamë gjendet një email, pjesë e një uebsajti që mund të aksesohet vetëm nga ata që e njohin URL-në.

Në faqen e tyre thuhet se grupin e drejton Rachael Klarman nga Shkolla e Ligjit në Harvard. Babai i tij, Michael Klarman është profesor në Shkollën e Ligjit të Harvardit. Ai është pjesë e bordit të një grupi të errët të majtë që jep donacione për nismën ‘Të rimarrim gjykatat’.

Vitin e shkuar një senator tha se këto para të errëta janë sulm mbi sistemin gjyqësor.

Fondacionet e Soros i kanë dhënë këtij grupi të paktën 13 milionë dollarë donacione.

Shtëpia e Bardhë nuk ka komentuar

Modifikuar më E Enjte, 28 Prill 2022 17:52
Login to post comments

Lajmet e fundit

“Rithemelimi” padit kryetarin e Gjykatës së Tiranës

Politikë

“Rithemelimi” padit kryetarin e Gjykatës së Tiranës

  Komisioni i Rithemelimit ka ngritur padi ndaj kryetarit të Gjykatës së rrethit Gjyqësor Tiranë, Flamur Kapllanit dhe kancelarit Donald Xhelili. Rithemelimi akuzon zyrtarët për “Shpërdorim detyre”. “Në vijim të qëndrimit të bërë...

Tallja me Alibeajn/ Analistët: Fitoi të drejtën që ia jep Kushtetuta

Politikë

Tallja me Alibeajn/ Analistët: Fitoi të drejtën që ia jep Kushtetuta

  Enkelejd Alibeaj vazhdoi farsën presidenciale një ditë më parë, duke arritur kulmin pasi deklaroi se kishte arritur një marrëveshje. E ashtuquajtura marrëveshje, parashikon që opozita të propozojë kandidatë në raundet humbëse...

Petrit Vasili:17 maji i 2017 e polli sot këlyshin e 18 majit ose incenerator-marreveshjen Balla Alibeaj!

Politikë

Petrit Vasili:17 maji i 2017 e polli sot këlyshin e 18 majit ose incenerator-marreveshjen Balla Alibeaj!

17 maji i 2017 e polli sot këlyshin e 18 majit ose incenerator-marreveshjen Balla Alibeaj! Ne fund te estrades se këlyshit te 18 majit, Rripi i pantallonave te Rames do te...