Edhe në Belsh kryeministri Edi Rama pritet me protesta. Partia Demokratike e këtij qyteti ka organizuar një tjetër protestë kundër kryeministrit Edi Rama që sot pasdite do të jetë në Belsh për turin e llogaridhënies.

Me pankarta dhe thirrje kundër qeverisë ata kanë bllokuar rrugën por më pas janë shtyrë nga policia dhe janë izoluar në trotuar. “Poshtë pashallarët e krimit”; “Xhafaj ëanted for narco-traffic” (Xhafaj i kërkuar për trafik droge); “S’ka drejtësi me krimin në qeveri”, “Rama ik” etj ishin disa nga parullat e tyre, ndërsa kryeministri i drejtohej vendit ku do të zhvillohej aktivitet.

Edhe në Cërrik dhe Elbasan kryeministri Rama është pritur me protesta, ndërkohë që ka pasur reagime si nga opozita ashtu edhe nga maxhoranca.