Deputetja e PD-së në qarkun e Lezhës ka reaguar pas nderimit të personit që plagosi në parlament deputetin Azem Hajdari,  Gafurr Mazrekut si “qytetar nderi”.

Përmes një postimi në “facebook”, deputetja demokrate shprehet e shqetësuar për faktin se në vendin tonë po ushqehet “Kulti i Kriminelit”.

Me tej në shkrimin e saj Metaliaj i bën thirrje qytetarëve që të bashkohen në mbvrojtjen e vlerave morale e njerëzore.

“Partitë i kemi te ndara por Shqipërinë duhet ta kemi të bashkuar, sepse jemi shqiptarë. Dhe bashkimin e garantojnë vetëm shembujt pozitivë, vlerat morale dhe njerezore te cilat  janë frymëzim për të ardhmen.” shkruan deputetja.

Postimi i plotë:

Të dashur miq!

Skandali i radhës i Rilindjes Edviniane.

Këshilltarët socialistë të Bashkisë Has,te urdheruar nga narko-diktatori Rama, kanë shpallur "Qytetar Nderi" Gafurr Mazrekun, ATENTATORIN e dënuar me 12 vite burg i cili  me 18 shtator 1997, përgjaku Kuvendin e Shqipërisë duke qëlluar mbi Tribunin e Demokracise, Azem Hajdarin.

Jam e shqetësuar pse në vendin tonë po ushqehet "Kulti i Kriminelit".

Çfarë lajmi i jepet shoqërisë shqiptare e çfarë shembulli iu jepet brezave kur një institucion si Bashkia nderon si "Qytetar Nderi" dikë i cili nuk njihet për asgjë tjetër përveç një atentati dhe një vendimi ku dënohet me 12 vite burg?

Çfarë mesazhi është ky për bashkëjetesën politike kur njëra parti shpall qytetar nderi njeriun që tentoi të vrasë në parlament deputetin e partisë kundërshtare?

I bëj thirrje miqësore dhe dashamirëse të gjithë qytetareve, edhe atyre të cilët për një arsye apo një tjetër kanë votuar Partinë Socialiste; ta përçmojmë së bashku ketë akt te shemtuar, provokues dhe fyes per demokracine dhe Partine Demokratike.

Partitë i kemi te ndara por Shqipërinë duhet ta kemi të bashkuar, sepse jemi shqiptarë. Dhe bashkimin e garantojnë vetëm shembujt pozitivë, vlerat morale dhe njerezore te cilat  janë frymëzim për të ardhmen. Gafur Mazreku nuk është shembull as moral, as vlere, as bashkues e as frymëzues.

Ndaj ky akt i rilindjes duhet të përballet me refuzimin nga shqiptaret e ndershëm.