Deputeti i Lëvizjes Socialiste për Integrim, njëherazi Sekretar i Përgjithshëm i kësaj force politike, Endrit Braimllari, ka reaguar në lidhje me kapjen e 3.4 milionë eurove në Portin e Durrësit.

Braimllari thotë se kjo është prova që Rama dhe banda e tij po pastrojnë paratë e pista.

Postimi i plotë

Kjo është fytyra e një qeverie kriminale të lidhur me trafiqet.

Kryeministri dhe banda e tij tani po mundohen me çdo mënyrë të pastrojnë paratë e pista të trafikut të drogës. Mungesa e sigurisë në porte, aeroporte dhe në çdo pikë kufitare bëhet me urdhër politik të kryeministrit për të favorizuar trafikun e tij të pisët. Shqiptarët varfërohen çdo ditë ndërkohë kryeministri dhe qeveria e tij pasurohen me paratë e drogës. Këto janë paratë e pista që ky kryeministër po përdor për të shkatërruar ekonominë, për të varfëruar shqiptarët dhe për të pasuruar veten e tij dhe bandën që e rrethon.