Nga Londra, kryeministri Edi Rama deklaron se ai dhe qeveria e tij kanë bërë hapa të jashtëzakonshme për hapjen e negociatave. Një deklaratë që ka bërë të qeshin shumë nga zyrtarët e lartë të shteteve pjesëmarrëse në Londër ku po zhvillohet takimi në kuadër të punimeve të procesit të Berlinit.

Nënqeshja e zyrtarëve evropianë vjen për shkak të delirit të kryeministrit shqiptar. Ishte vetë Këshilli i Ministrave të Jashtëm të BE-së i cili caktoi 13 kushte për çeljen e negociatave. Kushte këto të caktuara si shkak i mangësisë së punës së qeverisë në reformat e kërkuara.

Qeverisë i mungonin rezultatet në:

1- Luftën kundër korrupsionit në të gjitha nivelet

2-Lufta kundër krimit të organizuar veçanërisht

3- Rezultate në luftën kundër kultivimit dhe trafikimin e drogave

4-Përparimin e mëtejshëm të procesit të vettingut të gjykatësve dhe prokurorëve

5- Përfundimin e dosjeve prioritare

6- Përfundimin e ngritjes së strukturave të pavarura të drejtësisë në përputhje me Kushtetutën

7-Përfundimin e vendosjes së organeve të specializuara SPAK

8-Në ngritjen e  Byrosë Kombëtare të Hetimit

9- Reformimin e Gjyqësorit

10- Fuqizimin e hetimeve aktive, ndjekjeve penale dhe dënimeve përfundimtare në luftën kundër korrupsionit dhe krimit të organizuar duke përfshirë nivelet e larta

11- Rezultate konkrete në veçanti në shtetin ligjor

12-Zbatimi i rekomandimeve të OSBE/ODHIR për zgjedhjet

13-Reduktimin e numrit të azilkërkuesve

Këto janë hapat galoponte të qeverisë për mos-hapjen e negociatave. Nëse do të ishin realizuar këto, Rama nuk do të përqeshej në takimet me zyrtarët e lartë evropianë./ Redaksionale