Nga Sali Berisha
Të dashur miq, më 2 prill të vitit 1991 hanxharët e krimit, me urdhër të Ramiz Aliseë dhe xhelatëve të tjerë bllokmenë, ekzekutuan Arben Brocin, anëtarin e kryesisë së PDSH për fajin e vetëm sepse po protestonte paqësisht kundër vjedhjes se votës nga partia terroriste e Enver Hoxhës.
Sot pas 27 vitesh, me datën 31 korrik, banda kriminale e neo-bllokmeneve me në krye Edvin Kristaq Ramën dhe ish-ministrin e sigurimit të shtetit, autorin direkt të masakrës së 2 prillit 1991, Gramoz Ruçi, ekzekutoi politikisht si armik klase vëllain e Arben Brocit, gjykatësin e mirënjohur, anëtarin e Gjykatës së Lartë, Arben Broci duke përdorur vetingun si hanxhar të luftës së klasave!
Kundër Arben Borcit, me porosi direkt të Edi Ramës u mobilizuan të gjitha levat e narkoshtetit si narkopolicia, narko-DSIK, xhelatët e ish-policisë sekrete te Enver Hoxhës në krye të Shërbimit Informativ Kombëtar.
Ish-gjykatësit Artan Broci, me urdhër të Ramës iu kontrolluan në selinë e narko-Partisë Siçiliste me dhjetëra e dhjetëra dosje gjyqësore dhe pasi nuk gjeten asnjë defekt, por vetëm zbatim me ndershmëri dhe kompetence te ligjit, atëherë në një akt banditesk ju refuzuan 250 dokumente autentike, me të cilat ai provonte plotësisht të ligjshme çdo qindarkë të pasurive të tij.
Sot Edvin Kristaq Rama dha vendimin e tij kriminal për të ndërprerë karrierën dhe ekzekutuar politikisht një nga gjykatësit më me reputacion dhe më me integritet të drejtësisë shqiptare.
Dukë dënuar me ashpërsinë më të madhe këtë akt kriminal të Edvin Kristaq Rames, që vazhdon qëndrimin prej xhelati të etërve të tij mizorë, shtoj se vrasësit po vrasës mbeten dhe bej thirrje për flakjen e tyre sa më shpejtë nga pushteti.
