I frikësuar, pa asnjë lloj kthjelltësie, Arben Ahmetaj la sot pushimet super luksoze dhe erdhi me urgjencë në Tiranë.

Doli para mediave sepse Departamenti Amerikan e Shtetit e ka vënë para përgjegjësisë atë dhe shefin e tij kryehajdut.

I kapur gafil dhe i goditur rëndë nga opozita dhe qeveria e Shteteve të Bashkuara të Amerikës për të gjithë strategjinë e dështuar për ekonominë, për korrupsionin galopant në sistem, për varfërinë ekstreme, për shkeljet flagrante të ligjit, doli në konferencë për shtyp dhe degjeneroi me gjithçka që tha.

Asnjë shpjegim për sektorin që drejton dhe për të zezën ku e ka futur, përkundrazi filloi duke u marrë më vettingun dhe sistemin e drejtësisë duke e nxjerrë atë të korruptuar.

Në fakt kjo nuk mund të jetë thjesht një gafë, aty në frikë e sipër, e ministrit tashmë në gjendje të vështirë por duket si një akt i mirëmenduar.

Siç duket prej këtyre deklaratave buron një sulm i mirëmenduar ndaj ministres së Drejtësisë Etilda Gjonaj.

A të jetë vallë kjo thjesht një veprim prej një të paafti që në tentativë për të shpëtuar kokën ia hedh fajin shokut apo këtu ka një strategji?! Sido që të jetë Ahmetaj do të duhet të japë llogari një për një para shqiptarëve për gjëmën e madhe që i ka shkaktuar vendit dhe që DASH e konfirmoi.

Sistemi i drejtësisë në vend ka mijëra mëkatet e tija por asgjë nuk mund t’i lajë ato të mësuesit të anglishtes që ka në dorë ekonominë kombëtare. /55news.al/