Prej shtatorit 2017, kohë kur u mandatua qeveria “Rama 2”, kabineti është parë të mblidhet vetëm në restorante dhe hotele. I lehtësuar edhe për faktin se gjatë fushatës elektorale nuk u dha shqiptarëve ndonjë premtim, përveç timonit dhe çitjaneve që i promovonte në çdo tubim, Edi Rama shënon zero reforma të miratuara në shërbim të shqiptarëve. 

Ditët e para të qeverisjes Rama i nisi me mbledhje jashtë zyrës së Këshillit të Ministrave, si një qeveri shëtitëse në restorantet sa të njërit qark të qarkut tjetër. Edhe sot, një vit më pas zhurma më e madhe e qeverisë vjen nga vila e qeveritare pushimit në Vlorë. Peshka, kallamar e verë e bardhë është një menu e mirë për t’u ngujuar tri ditë.
Shqiptarët kanë një kryeministër, që ende nuk ka hyrë nën zyrë të qeverisë
Në vitin e parë , qeverisjen e kanë dominuar lajmet për Saimir Tahirin, Habilajt, Fatmir Xhafajt me vëllain e tij të dënuar në Itali, dështimi me hapjen e negociatave, lidhjet e kryetarit të Grupit Parlamentar socialist Taulant balla me eksponentë të krimit, marrjen e Prokurorit të Përgjitshëm, etj. Thuajse asnjë lajm për rezultate qeverisëse. Historitë me banditë dhe kriminelë u kthyen në telenovelë. Premtimet për aksione spektakolare dështuan. Administrata është krejt e paorganizuar dhe shkrirjet apo rikrijimet e strukturave të reja nuk kanë funksionuar në 90 % të rasteve.
Ministrat janë shumica jashtë loje, madje shumë prej tyre, nuk njihen as si emra dhe si imazhe nga publiku.
Qeverisja ende nuk ka nisur, por viti i parë është shembulli më i keq se si mund të qeveriset një vend.