“Ky kryeministër është bërë i padurueshëm. Largimi i tij është bërë emergjencë kombëtare. Shqiptarët sot në pamundësi për të jetuar këtu, marrin arratinë. As pushtuesit më barbarë nuk kanë përzënë kaq shqiptarë nga vendi”

Me këto fjalë është shprehur deputeti i Partisë Demokratike Flamur Noka, referuar kryeministrit Rama, në një intervistë që ka dhënë në News 24.

Noka foli  edhe për situatën politike në vend dhe planet e opozitës për mosbindjen civile.

“Nuk ka pasur Shqipëria më rrugaç e më banal se ky. Është mjeshtër i viktimizimit. Sëmuri dhe nënën e tij, për t’u viktimizuar para shqiptarëve” është shprehur deputeti.

“A keni dëgjuar ndonjëherë këtë kryeministër të flasë për zhvillime ekonomike, për punësimin, për të mirën e vendit. Ai s’bën gjë tjetër veçse shan. Viktimizimin e bën bukur, por nuk ka patur kryeministër më banal që përdor këtë lloj fjalori ndaj opozitës dhe shqiptarëve.”-tha Noka. Ndërkohë ai ka pohuar se do të vazhdojë veprimi opozitar, përsakohë të jetë kjo maxhorancë.