Më një spektakël të mirëorganizuar Kryeministri inauguroi sot ‘Air Albania’. Ashtu siç kjo qeveri tashmë është konfirmuar si mjeshtre, duke përdorur të gjitha truket e propagandës ‘Rilindja’ u mundua t’i mbushë mendjen shqiptarëve të varfër deri aq sa nuk e mendojnë udhëtimin me avion se kjo është një arritje e jashtëzakonshme.

Megjithatë një mendje e kthjellët dhe e arsyeshme do të duhet të shtronte disa pyetje para kësaj ngjarjeje. Dhe pyetjet e mëposhtme fshehin të vërteta shumë të rënda për Ramën dhe investimin ‘Air Albania’.  

Të kujt janë paratë e Air Albania? Për llogari të kujt punon administratori Sinan Idrizi? Paratë e kujt po pastron miku i Edi Ramës? A po investohen tek Air Albania para të pista të familjes Rama dhe të ndonjë fondacioni të dyshimtë?

Sinan Idrizi njihet për besnikërinë e treguar karshi Edi Ramës. Ai ka qenë një prej oligarkëve të tij më të bindur dhe më të dashur. Ndihma që ai i dha në tentativën e dështuar të Ramës për të kapur Federatën Shqiptare të Futbollit ishte një tjetër shërbim i Idrizit për shefin e tij.

Por një pyetje tjetër, e cila është edhe më thelbësore në këtë çështje, duhet të shtrohet: Pse kaq i afër ky Sinan Idrizi me Ramën? A ndikon në këtë lidhje të ngushtë ortakësh babai shpirtëror i Ramës, Erdogan?

A është na fakt Sinan Idrizi një urë lidhëse e Ramës me Erdoganin? Urë lidhëse për sa i përket parave dhe bizneseve të tyre të pista dhe të fshehta?

Të gjitha këto janë pikëpyetje që kërkojnë shpjegim të menjëhershëm nga ana e Kryeministrit Rama. Ky njeri nuk mund të fshihet më pas fishekzjarrëve të propagandës së tij të fëlliqur. /55news.al/