Ish-kryeministri Sali Berisha paralajmëroi se Shqipërisë do ti shtohet një super kusht për hapjen e negociatave. Në intervistën me gazetarin Çim Peka, ish-kryeministri foli për mundësinë e hapjes së negociatave për Shqipërinë , por në kushtet e vendosura qeverisë ndër të tjera është dorëzimi para ligjit i ish-ministrit të drogës Saimir Tahirit, minsitri i Brendshëm Fatmir Xhafaj për lidhjet e të vëllait me botën e krimit. Por sipas Berishës një kusht tjetër që do ti shtohet Shqipërisë së shpejti është një emër tjetër i mazhorancës, i përfshirë në afera korruptive. Ai nuk e zbuloi emrin por la të nënkuptohet se ka burime të sigurta që do të vendoset ky kusht.
“Super kusht për integrimin është, Saimir Tahiri, u vendos edhe Fatmir Xhafaj dhe shumë tjetër do jetë një tjetër” tha Berisha.
Ish-kryeministri Sali Berisha ka lëshuar akuza të tjera ndaj ish-ambasadore së BE në Tiranë, Romana Vlahutin.
Ish-kryeministri Berisha: Shqipëria i janë mbyllur dyert e integrimit
‘Nuk ekziston një paralelizëm mes tyre, pavarësisht se ata ishin dashuri politike bashkë, por me ambasadorin Lu kam patur dialog konstant me të, kurse përsa i përket Vllahutin, i thashë: Përfaqëson Beogradin apo Brukselin. Edhe po të kërkonte lamtumirë nuk do ta prisja. Vllahutin dëmtoi Shqipërinë, nuk e di për llogari të kujt. Nuk kisha dosje të saj për lidhje me shërbimet, por ajo tha se nuk ka nevojë për marrëveshje dhe konsensus mes forcave politike. Kurrë më parë nuk ka ekzistuar një përçarje e tillë politike’, është shprehur ish-kryeministri Sali Berisha.