Edi Rama ka një raport agresiv e keqsjellës ndaj grave. E gjithë jeta e tij, është ajo e një individi ku njeriu nuk di të gjejë diçka njerëzore, familjare apo normale, të cilit asnjëherë nuk i duhen lejuar të ushtrojë funksione shtetërore. Qysh nga ajo që njihet si “martesa e parë” e tij, e deri te ato “bashkëjetesat e njohura”, vihet re se Rama jo vetëm nuk ka pasur kurrfarë respekti për gruan, por sjelljet e papëlqyeshme e kanë shoqëruar vazhdimisht atë. Cili ka qenë raporti i tij me dhunën ndaj grave, duhet parë te martesat dhe bashkëjetesat. Edi Rama si individ që mbahet gjallë nga propaganda dhe fasada, pra nga mashtrimi publik, mund të mbushë një kabinet me gra, mund ta sakatojë administratën me “Laje”, mund të emërojë prefekte femra, etj, por kjo nuk ndryshon aspak natyrën jonjerëzore të Edi Ramës. Pikërisht mbi këtë bazë, ai përligj dhe justifikon çdo veprim që mund të bëjë vetë apo vartësit e tij. gjithkujt i kujtohet rasti i divorcit të parë të Edi Ramës. Aty do të gjeni fare mirë karakterin e Edi Ramës në raport me gratë. Nuk ka ndryshuar fare. Është sofistikuar dhe e keqja e tij veçse është rritur. Prandaj mos u prisni kur shihni raste të tilla si ai i djalit të deputetit të PS-së. Gjithçka është brenda sjelljes dhe llojit “rilindas”. Në kazanin e familjes së “rilindjes”, gratë qarkullojnë, nuk dalin largohen.