Kreu i PD-së, Lulzim Basha ka dalë ditën e sotme në një bashkëbisedim me gazetarët, ku ka folur lidhur me situatën e rendit në vendin tonë.

Basha thotë se situata me rendin është shumë e rëndë, si dhe krimi është më i fortë se kurrë dhe kontrollon territorin dhe ekonominë.

“Organet e zbatimit të ligjit janë të shpartalluar dhe drejtuesit e tyre janë vënë në shërbim të krimit. Sot shqiptarët dhe qytetet shqiptare sundohen nga bandat që kontrollojnë lagjet, ekonominë, restorantet, turizmin dhe pushtetin. Nga zemra e Tiranës në bllok, nga Shkodra, Durrës, Elbasan, grupet kriminale po zotërojnë gjithçka.", tha Basha.