Deputetja e Partisë Demokratike në qarkun e Matit, Dhurata Çupi, ka reaguar pas vrasjes së trefishtë të ndodhur sot në mesditë në Mat.
Duke iu drejtuar qeverisë së Edi Ramës, deputetja ka shkruar se edhe hasmi nuk preket kur konsumon ushqim. Sipas saj, ‘rilindja’ e ka kthyer në pasiguri totale jetën e shqiptarëve.
“Ngjarje tejet e rëndë sot në Mat.Si deputete e zonës por edhe si qytetare i këtij vendi i shpreh ngushëllime të sinqerta familjarëve të dy punonjësve të Bashkisë së Matit, Mentor Hoxha, Erzen Aliaj dhe qytetarit Hamit Buci. Ndersa një punonjes tjeter ështe në gjendje te rënde shëndetesore.Ngjarje e rëndë që dhemb e të lë pa fjalë.Kjo qeveri e ka kthyer jetën në pasiguri totale në këtë vend, jeta e tre njerëzve vlen aq sa tu merret duke ngrënë. Ne e dimë që as hasmi nuk preket kur ushqehet, jo më ti merret jeta”, shkruan deputetja.
