Kur opozita denoncoi shtetin narkotik të Edi Ramës, i provuar lehtësisht nga tonelatat e hashashit që kapën policitë fqinje, kryeministri shpifte dhe i quante “qen të lehin” ata që kallëzonin këtë vepër të rëndë penale. Askush nuk ka dyshimin për kriminalizimin që iu bë Shqipërisë nën qeverisjen e Ramës. Koha provoi se denoncimet e opozitës ishin të drejta. Rama që opozitën e quante “qen që leh” dhe veten kreun e një karvani (trafikantësh në fakt), a duhet të dënohet për shpifje? Sigurisht nuk e meriton supën e burgut. Por të na qerasë me testin e drogës. Teksa ky test i bëhet çdo sportisti për një medalje, ky i “kulluari” ynë pse ka frikë? Është fare e thjeshtë. Nëse është shpifje që është konsumator droge, këtë e vërteton vetëm testi, jo gjykata. Nëse nuk është, fiton një pikë të fortë morale.