Presidenti Ilir Meta i ftuar në Report Tv mbrëmjen e sotme ka folur edhe për kufirin detar me Greqinë. Ai tha se marrëveshja mes dy palëve duhet të kalojë në parlament në momentin që të ngrihet Gjykata Kushtetuese.

I pyetur se a e rrezikon Shqipëria një veto nga Greqia për integrimin?, Meta thotë se ‘një dështim i marrëveshjes, në çdo lloj faze, nuk do të ishte pozitiv, do të ishte një kthim pas në zgjidhjen e kësaj çështjeje, por nuk do të ishte një hap para as në forcimin e marrëdhënieve tona me Greqinë’.