I ashpër ka qenë reagimi i zëvendëskryetari i LSI-së, Luan Rama, i cili shkruan për ish-ministrin e Brendshëm Saimir Tahiri, pas daljes së tij publike sot ku pohonte se Italia kishte mbyllur hetimet ndaj tij.

Përmes një postimi në ‘facebook’ Luan Rama e nis statusin me; “Ku të përdhunuarat gjykohen, me të rrugës ligj, nga prostitutat…”.

Pa përmendur emra, por duke e lënë të nënkuptuar se e ka për Tahirin, Rama shton se krimineli bën moral para kamerave për krenari dhe kërcënon kundërshtarët politikë. Ndërkohë Luan Rama s’i për t’i thënë të gjitha e mbyll me një poezi.

Postimi i plotë:

Ku të përdhunuarat gjykohen,

Me të rrugës ligj, nga prostitutat…

Në këtë vend ku banditi prej kryetarit të partisë bëhet deputet a ministër, e pastaj të gjithë, ministra e deputete shërbëtorë të krimit, ku trafikanti e krimineli bën moral e pafytyrësinë e shet para kamerave për krenari, ku kryeministri merr në mbrojtje horrat, e si zëdhënës i tyre kërcënon kundërshtarët politikë e iu kanoset punonjësve të shtetit që denoncojnë kriminelët, nuk mbetet tjetër veç të kujtojmë vargjet e poetit kur prej dhembjes e dëshpërimit shprehej:

“Eja kënga ime, s’kemi ç’rrimë,

Mes kësaj rrëmuje pa kuptim,

Vrasësi ku hiqet për viktimë,

Dhe viktimës i kërkon shpagim.

Ku të përdhunuarat gjykohen,

Me të rrugës ligj, nga prostitutat,

Ku të marrë e t’urtë përgojohen,

Dhe servilët, porsi minj nga skutat,

Dalin rrahin gjokset dhe mburren,

Se luftuan vrimash si heronjtë,

Kuajve të ngordhur tek u turren,

Për t’u hequr me nxitim patkonjtë”.