Kryetarja e Lëvizjes Socialiste për Integrim, Monika Kryemadhi, ka zhvilluar një takim me Raporterin për Shqipërinë në PE, Knut Fleckenstein.

Në një postim në Facebook Kryemadhi thotë se perspektiva Evropiane është prioritet i palëkundur për LSI.

Sipas saj Rama dhe mazhoranca janë sot bllokuesit e vetëm të reformave kyçe dhe integrimit të vendit.

“Falënderoj Raporterin Fleckenstein për rolin e tij mbështetës si raportues për Shqipërinë në Parlamentin Evropian. Perspektiva Evropiane është prioritet i palëkundur për LSI.

Ne kemi qenë mbështetësit më të fortë të reformës në drejtësi, duke votuar dhe hapur rrugë çdo hallke që bënte të mundur implementimin e saj. Rama dhe mazhoranca janë sot bllokuesit e vetëm të reformave kyçe dhe integrimit të vendit.

Zgjidhja e vetme është kthimi i reformës në drejtësi në shtratin Kushtetutës të 21-22 korrikut dhe marrja në shqyrtim e propozimeve konkrete të opozitës për çbllokimin e krizës së shkaktuar nga kapja e shtetit nga mazhoranca”, shkruan Kryemadhi.