Deputeti demokrat Flamur Noka, i cili është duke mbështetur protestën e banorëve të Unazës së Re përpara bashkisë i bëri thirrje përmes mediave, ndërgjegjes së kryebashkiakut Erion Veliaj.
Ai solli i kujtoi faktin se edhe ai vetë është prind i një fëmijë dhe duhet ta vërë veten në vendin e këtyre qytetarëve, që po u kërkohet të dalin në rrugë.
“PD është në mbështetje të këtyre qytetarëve, Kryetari i bashkisë ka fëmijë vetë. Le të mendojë sikur ta nxjerrin në rrugë. Këta banorë askush nuk i ka dëgjuar. Dëmshpërblimi me vlerën e tregut një më një është kërkesa e këtyre banorëve.
Ata nuk janë kundër projektit, por ata nuk mund të trajtohen si qenie të dorës së dytë. Kanë të drejtën e tyre të protestojnë. Hapat e tjerë do t’i vendosë komisioni organizator i protestës, ne si PD jemi në mbështetje të tyre.” tha deputeti i Partisë Demokratike.
