Lideri i opozitës Lulzim Basha është shprehur sot se e vetmja zgjidhje që politika dhe parlamenti të shpëtojnë nga kriminelët është vettingu, të cilin kryeministri Edi Rama ka deklaruar se nuk do ta votojë.

Sipas tij me anë të vetingut do të largohen të gjithë ata politikanë që do të faktohen se janë të lidhur me krimin.

 ‘Vettingu politik është alternativa që ka propozuar opozita për të shpëtuar vendin. Që do të thotë që çdo politikan që vërtetohet se ka lidhje me krimin atëherë të largohet menjëherë. Por kjo nuk ka për tu votuar nga kjo mazhorancë, pasi këtë e ka deklaruar vetë Rama’, deklaroi Basha.