‘Të hapet dyshtetësia edhe për shqiptarët e Maqedonisë, Malit të Zi e të gjithë shqiptarët kudo që janë’.
Deklarata e fortë është bërë mbrëmjen e sotme nga ish-kryeministri Sali Berisha në një intervistë për gazetarin Lutfi Dervishi në emisionin ‘Përballë’ në RTSH.
Sipas ish-kryeministrit, ky projekt nisi gjatë qeverisjes së tij, por u bllokua sapo Edi Rama mori pushtetin.
‘Dyshtetësia është bllokuar nga Edi Rama. Ne e nisëm, por qeveria e Ramës e ka ndaluar.
Duhet edhe një vendim i qeverisë së Kosovës për qytetarët që të marrin dyshtetësinë.
Për shqiptarët në Kosovë, firmoset marrëveshja për shqiptarët e Kosovës.
Të hapet edhe dyshtetësia edhe për shqiptarët e Maqedonisë, Malit të Zi e të gjithë shqiptarët kudo që janë.
Më pas i thuhet BE-së që unë do e bëj këtë gjë për shqiptarët’, tha mbrëmjen e sotme ish-kryeministri Sali Berisha.
