Edhe në këto ditë festash studentët nuk janë ndalur së protestuari dhe janë treguar të vendosur deri në plotësimin e të gjithë kërkesave.
Por ajo që ka tërhequr vëmendjen jo vetëm në Shqipëri është mënyra si ata protestojnë dhe kreativiteti i tyre.
Në mënyrë paqësore, një grup studentësh janë mbledhur ditën e sotme para Kryeministrisë me tullumbace dhe me nga një zarf në dorë.
Në secilën prej zarfeve të lidhura me tullumbacet, është e shkruar një kërkesë nga ato që studentët i kanë shpalosur gjatë gjithë këtyre javëve protestë.
Studentët kënduan Himnin Kombëtar dhe më pas i lëshuan tullumbacet në ajër, ndërkohë që janë shprehur optimistë për plotësimin e kërkesave.
