Ish-presidenti i Republikës, Bujar Nishani, po ndjek me vëmendje përplasjen e Policisë me studentët protestues në fakultete dhe i ka bërë një paralajmërim, “kamikazëve politikë në radhët e Policisë”:

“Dhunim kriminal i grupeve policore ndaj studentëve dhe auditoreve universitare, - shkruan Nishani. - Shkelje e rëndë e ligjit nga kamikazë politikë në rradhët e Policisë së Shtetit të keqpërdorur nga qeveria më e korruptuar dhe inkriminuar në Evropë.

Studentët të identifikojnë, fotografojnë dhe filmojnë çdo person që nën uniformën e shtetit dhunon dhe shkel ligjin, të drejtën e tyre, auditoret universitare.  Secili do të japë hesap përpara drejtësisë. Ora e rivendosjes së ligjit dhe shtetit normal po vjen.”