Menjëherë pas shkarkimit të Afrim Bakajt nga posti i drejtorit i portit të Durrësit, është gjetur dhe zëvendësi i tij, ai do të jetë Agron Tare, i njohur ndryshe dhe me emrin Genti.

Agron Tare nuk është një emër i panjohur pasi ai ka pasur së fundit detyrën e rëndësishme si konsull i Shqipërisë në Stamboll, dhe njëherësh është vëllai i Igli dhe Auron Tares.

Emri i tij është përmendur dhe në hetimet e antimafias italiane për kompanitë e basteve sportive që operojnë në Shqipëri dhe jo vetëm.

Hetimet mbi një grup kriminal italian të basteve ilegale nxorën një mafioz që negocionte me vëllanë e ish-kapitenit të kombëtares për t’i blerë aksionet e kompanisë.

Megjithatë drejtësia italiane nuk ka ngritur asnjë akuzë.

E megjithatë kjo nuk e ka penguar Edi Ramën dhe Belinda Ballukun që ta emërojnë në postin e rëndësishëm.