Dega e Partisë Demokratike Lezhë, ka tashmë një emër të ri për sekretare. Kryetari i PDSH, Lulzim Basha ka emëruar në këtë detyrë znj.Alfrida (Dedëgjonaj), Marku.  Zonja Marku vjen në këtë post pas një kontributi të veçante dhënë brenda strukturave të PD, si dhe në institucionin e bashkisë Lezhë.  Pa zgjedhjes në postin e sekretarit të degës, Alfrida (Dedëgjonaj) Marku ka një falënderim dhe mesazh për besimin që i është dhënë!.

Ja mesazhi i Alfrida (Dedgjonaj) Marku në FB
“Të dashur miq demokratë! Të nderuar lezhjanë!
Me mirënjohje dua të ndaj me ju se me Vendim të Kryesisë së Partisë Demokratike të Shqipërisë, në emër të të gjithëve bashkë, do të ushtroj detyrën e Sekretarit të Degës të Partisë Demokratike Lezhë.
Falënderoj me përulësi strukturat e PD Lezhë, demokratët që besuan dhe propozuan emrin tim. Falë punës dhe korrektësisë së bashku, secili prej nesh, është gati në çdo moment të marrë përsipër përgjegjësi të reja, angazhime më të mëdha, me njëri tjetrin, për njëri tjetrin, gjithmonë!
Falënderoj me mirënjohje Kryesinë e Partisë Demokratike të Shqipërisë dhe Kryetarin e Partisë Demokratike z.Lulzim BASHA për besimin, që njëkohësisht është obligim dhe motivim për mua për përkushtim e korrektësi në përmbushjen e kësaj detyre.
Në këtë rrugëtim tonin së bashku, kam besim te plotë se të gjithë bashkë do të bëjmë më të mirën, për Lezhën dhe lezhjanët!”