Policia e Tiranës ka në duar një provë shumë të rëndësishme që mund të çojë në identifikimin e atentatorëve të ish-policit Arben Bilali. Vetëm pak orë pas ngjarjes, më 30 janar në periferi të Tiranës në zonën e quajtur Mjull-Bathore është gjetur mjeti “Mercedes Benz CLS” që dyshohet se u përdor për realizimin e vrasjes.

Automjeti është dërguar në laboratorin e Policisë Shkencore, ku po i nënshtrohet një ekzaminimi të imtësishëm për të gjetur prova biologjike ose identifikuese.

Kjo është prova e vetme që ka në dorë policia për këtë ngjarje pasi vrasësit janë treguar shumë të kujdesshëm duke mos lënë gjurme. Nga kamerat e sigurisë portretet e tyre nuk shquhen.

Edhe ekzekutimin atentatorët e kryen pa zbritur nga makina. Të gjitha këto kanë krijuar dyshimet tek hetuesit se kemi të bëjmë me vrasës me pagesë.

Denoncimi i Berishës dy ditë më parë:

Ish-kryeministri Sali Berisha, ka publikuar një tjetër denoncim ditën e sotme, ku qytetarët akuzojnë policinë se po fsheh provat e krimit.

Një qytetar denoncon se mbrëmjen e kaluar në zonën e Mjull-Bathores në Sauk është gjetur një makinë e braktisur dhe brenda saj gjendeshin armë, por ky lajm nuk është bërë publik në asnjë media, pasi vetë policia nuk e ka raportuar si ngjarje.

Sipas tij policia e ka mbajtur qëllimisht të fshehtë gjetjen e kij mjeti, pasi kërkon të mbulojë një krim.

Ja postimi i Berishës në Facebook:

Narkpolicia fsheh gjetjen e mjetit te krimit!

Lexoni mesazhin e qytetarit dixhital. sb

Mirembrema ,doktorr te uroj te jesh mir me shendet,,dje ne lagjen mjull-bathore ne sauk eshte gjet nje makin e braktisur e cila kishte dhe armatim brenda 2 automatik qe do te thot qe ka ber nje krim po kjo nuk u dha as nga policia dhe as nga medjat ,makina MERCEDES-BENZ CLS me targa AA757RU, çfar fshihet pas ksaj qe policia nuk e njoftoj,doktorr te falenderoj ,te lutem anonim,