Ish-kryeministri Sali Berisha ka publikuar mesazhin e një punonjësit të doganave pas grabitjes së ndodhur sot në aeroportin e Rinasit ku u grabit një shumë marramendëse parash.

Personi në fjalë shkruan se që prej grabitjeve të mëdha të ndodhura në të kaluarën në Rinas është vendosur që makinat e parave të shoqërohen gjithmonë nga një furgon policie, por kjo gjë nuk ka ndodhur në këtë rast. Berisha shkruan se policia nuk ndërhyri.

STATUSI I BERISHËS
Superskandaloze!! Paratë u rrëmbyen para syve të narkopolicisë por ajo nuk ndërhyri. Ishte pjesëmarrëse në plaçkitje apo kishte pirë hashash?? sb

Përshëndetje, jam një punonjës i doganave prandaj do doja që mos të më nxirrej identiteti se dihet si funksionon vlla që të heqin nga puna. Por për kuriozitet desha të të jap një të dhënë interesante se që kur kanë qenë bërë ato vjedhjet e mëdha është vendosur një rregull se sa ka eksport parash përveç securitys private shoqërohen gjithmonë me një furgon policie i cili rri mu tek porta nga hyjnë paratë për në pistën e avionëve. Pra imagjino grabitësit kanë qenë as 20 metra larg veçse nga ana tjetër e ndërtesës nga kalojnë paratë për në pistë. Këtë fakt nuk e nxjerr asnjë media sepse është një skandal. Respekt