Kryetari i opozitës, Lulzim Basha i ka bërë thirrje forcave të rendit që të hedhin kapelet dhe të bashkohen me popullin në protestë.

Basha ka thënë se edhe policia duet të dëgjojë thirrjen e popullit dhe sipas tij të bashkohen me thirrjen e tyre: “Liri a vdekje”.

 “Ju bëj thirrje vëllezërve dhe motrave të policisë së shtetit, hidheni kapelet, bashkohuni me ne. Rama ik! Dëgjoni mirë mesazhin e popullit. Liri a vdekje, demokraci a vdekje.

Kjo betejë do të ketë vetëm një përfundim; ajo do të zgjidhë dilemën të jetë apo të mos jetë Shqipëria evropiane.

Shumica pa punë, pa siguri, pa shpresë, e dhunuar dhe një pakicë derrash të majmur, armiq të popullit shqiptar, oligarkë, kriminelë. Këto dy Shqipëri nuk qëndrojnë dot bashkë, njëra do qëndrojë, tjetra do ikë”, tha ai.