Pas deklaratës së fortë të kryeministrit të Kosovës Ramush Haradinaj, i cili u shpreh se gjatë Samitit të Berlinit ka patur më shumë presion nga kryeministri Edi Rama se sa nga presidenti i Serbisë Aleksander Vuçiç për heqjen e taksës ndaj produkteve serbe, nuk mungon as reagimi i nënkryetarit të LSI, Petrit Vasili.
Sipas Vasilit, fituesi në Berlin doli pikërisht Haradinaj pasi u vendos në krah të qytetarëve.
“Haradinaj burrë i fortë shteti, patriot i mirë që i dhemb në shpirt për Kosovën, u gjend në Berlin përballë renegatit Edi Rama, të cilit nuk i dhemb asgjë dhe shet çdo gjë siç e shiti Shqipërinë me konçesione anekënd”, shkruan Vasili.
Postimi i plotë i Vasilit:
Ne Berlin:Fitoi Haradinaj patriot perballe Edi Rames renegat!!! (
Haradinaj burre i forte shteti,patriot i mire qe i dhemb ne shpirt per Kosoven u gjend ne Berlin perballe renegatit Edi Rama, te cilit nuk i dhemb asgje dhe shet çdo gje sic e shiti Shqiperine me konçesione ane kend.
Fitoi Haradinaj se u vendos ne krah te atdheut e te qytetareve dhe humbi Rama qe i perbuz shqiptaret dhe u shtrihet te kembet te huajve.
Te nderuar miq!!
Lexojeni vete me poshte intervisten e Haradinajt dhe kuptoni lehte se ku ndahen patriotet nga renegatet.
Pjesë nga intervista e z.Haradinaj për televizionin “T7”
Si shkoi takimi i Berlinit?
Biseda brenda takimit, pasi thuhet se ka qenë i tensionuar?
Haradinaj: Edhe dje u përsërit ajo që ka ndodhur në të kaluarën. Isha krejtësisht i vetëm. Edhe presidenti, edhe Edi Rama, ma shumë bënte presion Edi Rama me heqë taksën, se sa udhëheqësit e tjerë. Ai kërkonte që të mos e humbim këtë “shans” për të heqë taksën. Ka qenë një insistim i pandalshëm, në gjuhë që i merrshin vesh kanclarja, presidenti francez, në anglisht. U jam përgjigjur se taksën e kemi vu prej zorit, sepse siguria nacionale ka qenë e rrezikuar, jo vetëm ekonomia.
