Presidentët e gjashtë vendeve të Ballkanit Perëndimor u mblodhën në Tiranë për të vijuar traditën e samiteve të Brdo-Brijunit, një iniciativë e nisur që në vitin 2013 nga presidentët e Kroacisë dhe Sllovenisë.

Në fjalën e hapjes së Samitit, Presidenti i Shqipërisë, Ilir Meta, falënderoi homologët për pjesëmarrjes në Saimitin që përkon me Ditën e Europës. ”Ju uroj mirëseardhjen në Ditën e Europës dhe fillimin e festimeve për këtë ditë, që është për të gjithë ne, për popullin tonë dhe fillimin e Samitit, ju falënderoj të gjithëve për kohën tuaj. Një falenderim të veçantë për miqtë tanë specialë”.

Ndërkohë që në një postim ën Facebook Meta shkruan se “Vendet tona kanë ende shumë për të mësuar nga themeluesit e Bashkimit Europian dhe filozofia e këtij projekti historik, mbi çfarë mund të konsiderohen ide pionere, nxitëse të një epoke të re të bashkëjetesës në rajonin tonë”.