Avokati i ish-deputetit Klevis Balliu, i ftuar në emsiionin “360 Gradë” në RTV Ora deklaroi se ndaj demokratit nuk rëndon asnjë vepër penale dhe se arrestimi i tij u bë me dy filmime celularësh.
Gjokutaj: Sot ishim në proces gjyqësor. Të marrësh të arrestosh një përfaqësues të opozitës me dy filmime celularësh policash dhe ti thuash atij që i ke thyer dorën policave brenda në furgon, kur në furgon të lidhin kokë e këmbë, kjo është shumë shqetësuese. Madje unë do thosha alarmante. Se njerëzit që kanë lidhje me pushtetin po fillojnë të besojnë gënjeshtrën. Dhe kjo gënjeshtër kalon. Sot u gjet një gjykatëse, e cila pavarësisht se e liroi nuk duhet të caktonte asnjë masë sigurimi sepse nuk ka asnjë vepër penale.
