Kryetari i Partisë Demokratike, Luzlim Basha nga sheshi para Kryeministrisë i adresoi një mesazh kryeministrit Edi Rama.

Ai tha se ora e lojës me popullin ka marrë fund.

Basha: Ju uroj nga zemra mirëse keni ardhur në Kuvendin e Sovranit. Me një kushtrim jemi mblehdur sot, me një qëllim për të mos pranuar më kurrë Shqipërinë e krimit, korrupsionit, hajdutërisë, dyvakut aziatik të Edi Ramës, por të Shqipërisë si e gjithë Europa.

Ka 30 vite që shqiptarët bëjnë sakrifica të përditëshme që ju të gjithë e dini se si në këto 30 vite e vetmja mënyrë për të rilindur ishte përmes largimit. Ne e futëm Shqipërinë në NATO. Ne hoqëm vizat dhe kthyem dinjitetin qytetarëve shqiptarëve. Ne jemi sot përsëri në një udhëkryq të tmerrshëm produkt i lidhjes së krimit me qeverinë.

Ne jemi këtu për ti dhënë një mesazh të qartë e të prerë Ramws nuk të lëmë më të bllokosh rrugën tonë drejt Europës. "Rama ik"

6 vite e gjysmë të sundimit kriminal të Ramës dhe Organizuatës së tij e kanë lënë Shqipërinë jashtë Euorpës. Vendi i vetëm në botë pa Gjykatë Kushtetuese.

Ora e lojës me popullin dhe fatin e tij ka marrë fund.

Më tej Kryedemokrati i ka bërë thirrje qytetarëve që të mos cënojnë efektivët e policisë, sepse sipas tij ata janë po aq të cënuar nga krimi.

Basha: Bashkimi i Edi Ramës me krimin ka qëllim të dhunojë shqiptarët, të dhunojë zgjedhjet. Shumë duhet të jenë në burg, por janë sot të pandëshkueshëm.

Zgjedhje me krimin nuk do të ketë më. Sot do të bëhet e parë norma e parë e Shqipërisë Europiane. ne do të dëgjomë misionin tonë. E duam Shëipërinë si gjithë Europa.

Sot na nderojnë në këtë protestë studentët e PPE, përfaqësues të partive simotra nga të gjitha vendet e Europës.

Mos provokoni. Ndalni dhunën ndaj invalidit. Nuk vjen e keqja nga invalidi, vjen nga Rama i lidhur e krimin.

Efektivët e policisë janë vëllezëri tanë ata janë po kaq të kërcënuar nga krimi sepse krimi është komandanti i vërtetë i Policisë së Shtetit.

Mos cënoni efektivët e policisë. Beteja jonë është me krimin, me qeverinë e lidhur me krimin.